2021 жылы 2 наурызда екі жоғары оқу орны Халықаралық Гуманитарлық-Техникалық университетті және Мардан Сапарбаев институты біріктірілуі арқылы Орталық Азия Инновациялық Университеті құрылды.
Бүгінгі ұлттың бәсекеге қабілеттілігі оның білім деңгейіне байланысты. «Кітап адамды жан-жақты дамытады, ой-өресін кеңейтеді» дегендей университеттің кітапхана қызметкерлері де профессор -оқытушылар құрамына, білімгерлерге, магистранттарға, өздеріне қажетті ақпаратты сапалы ажырата алуларына көмектесіп, кітапқа деген құрметі мен сүйіспеншілігін қалыптастыруда.
Университет кітапханасының жалпы көлемі -633 шаршы метрді құрайды: 3 оқу залы, 2 кітап сақтау қоры, 5 электронды оқу залы бар.
Бүгінгі күнге университеттің кітапхана қорында 681983 дана оқулықтар мен ғылыми басылымдар;оның 501427 данасы мемлекеттік тілде, 7866 дана оқу-әдістемелік және 21367 дана бірлікте электронды ресурстар қоры бар.
Кітапхана сайты https://lib-caiu.kz/ кітапханадағы электрондық каталогтарға және ақпараттық ресурстарға қол жеткізу мақсатымен ұйымдастырылған бірыңғай ақпараттық жүйе болып табылады.
Кітапхананың стратегиялық басымдықтары:
кітап қорын толықтыру және олардың сақталымын қамтамасыз ету;
сапалы кітапханалық-ақпараттық қызмет көрсету;
жаңа ақпараттық технологияларды енгізу және дамыту;
шетелдік және республикалық ЖОО мен ғылыми орталықтарының электрондық кітапханалар арқылы алдыңғы қатарлы унисерситеттердің білім беру ресурстарын пайдалануға білім алушыларға мүмкіндік жасау.
